Akash Bankar

Mujhe mazboot nahi banna tha🫂

Mujhe bhi kabhi kisi ke kandhe par sir rakhkar rona tha. Har baar khud ko sambhalna nahi tha. Mujhe bhi kisi ka sukoon banna tha, har waqt apni takleef chhupakar muskurana nahi tha. Lekin zindagi ne shayad mujhe kabhi kamzor hone ki mohlat hi nahi di. Har baar jab laga ki ab kisi ka sahara milega, kisi na kisi mod par log saath chhod gaye. Dheere-dheere maine kisi se umeed karna chhod diya aur khud ko hi apna sahara bana liya.

Logon ne meri khamoshi ko meri taqat samajh liya. Unhe laga ki main har dard seh sakta hoon, har rishte ke tootne ke baad khud ko sambhal sakta hoon aur har mushkil ke baad pehle ki tarah muskura sakta hoon. Magar kisi ne yeh jaanne ki koshish nahi ki ki jo insaan har kisi ko sambhalta hai, use sambhalne wala kaun hai.

Log mere chehre ki muskurahat dekhte hain, meri baatein sunte hain aur samajhte hain ki main theek hoon. Lekin raat ke us sannate ko koi nahi jaanta, jab apne hi kamre mein insaan khud se baatein karte-karte thak jaata hai. Jab aankhon mein aansu hote hain, dil mein hazaaron sawaal hote hain aur phir bhi kisi ko phone karne se pehle yeh sochkar ruk jaata hai ki shayad kisi ko fark hi nahi padega.

Kabhi-kabhi mera bhi mann karta hai ki kisi ke saamne bina kuch samjhaye bas toot jaaun. Koi mere aansu dekhkar sawaal na kare, koi mujhe mazboot banne ki salaah na de. Bas chupchaap mere paas baithkar itna keh de ki, “Ab tumhe sab kuch akele nahi sambhalna hai, main hoon.”

Lekin shayad har kisi ki kismat mein aisa koi nahi hota. Kuch log poori zindagi doosron ke liye mazboot bane rehte hain aur jab raat ko akele hote hain, tab unhe ehsaas hota hai ki unke andar bhi bahut kuch toot chuka hai.

Isliye agar aaj main muskurata hoon, to iska matlab yeh nahi ki mujhe dard nahi hota. Agar main chup rehta hoon, to iska matlab yeh nahi ki mere paas kehne ko kuch nahi. Bas ab aadat ho gayi hai apne dard ko apne tak rakhne ki.

Kyunki mujhe mazboot banna nahi tha… bas haalaat ne mujhe mazboot bana diya.

Kya Jana jaruri tha ?

Tum jiske liye itna tadap rahe ho, shayad usse tumhare hone ya na hone se koi farq hi nahi padta.

Tum aaj bhi wahi ruk gaye ho…
Us mod par, jahan woh tumhara haath chhod kar chala gaya tha.

Lekin woh…
Woh apni zindagi mein bahut aage badh chuka hai.
Uski duniya badal chuki hai, uske raaste badal chuke hain.
Aur ek kadwa sach ye bhi hai ki tumhare intezaar karte rehne se woh kabhi wapas nahi aayega.

Isliye…
Ab is intezaar ko chhod do.
Har kisi ki mohabbat mukammal nahi hoti, aur har koi lautkar nahi aata.

Lekin phir bhi…
Aaj bhi dil ke kisi kone mein ek umeed zinda hai.

Kaash…
Ek baar woh laut aaye…
Mujhe gale se laga kar bas itna keh de—

“Meri jaan… tumhara intezaar khatam hua. Main aa gaya hoon… ab kahin nahi jaunga. Bahut akela chhod diya tha tumhe. Ab tumhare har dard ka hisaab main dunga. Ab tum sirf mere ho… aur main tumhe hamesha khush rakhunga. Tumhari aankhon mein dobara kabhi aansu nahi aane dunga.”

Shayad ye sirf ek khwaab hai…
Lekin kuch khwaab aise hote hain jo toot jaane ke baad bhi dil unhe jeena nahi chhodta.

“Zaalim kya jaane mohabbat kya hoti hai…

“Kabhi kisi ki zindagi ki ‘Priti’ mat banna…

Sabse bada dard sirf kisi ko khona nahi hota.

Sabse bada dard tab hota hai jab tum apne hi mehboob ki aankhon mein kisi aur ke liye mohabbat dekh lo… aur phir usse usi ke saath jaate hue bhi dekhna pade.

Us pal sirf ek rishta nahi tootta, insaan andar se bikhar jaata hai.

Isliye kisi ki zindagi mein tabhi aana jab uska saath nibha sako. Warna adhuri mohabbat, maut se nahi… yaadon se roz maarti hai.


Novel - गुनाहों का देवता
Writer - धर्मवीर भारती
:यह भी पढ़ो।
Novel- ‘रेत की मछली’
Writer- कांता भारती

🫡🫡🫡

Apni chai sukoon se piyo.Apne pasand ke kapde pehno Agar koi kahe kawwa safed hai
Uska kawwa safed rehne do.Koi kahe sher chai p*eta hai -Toh kaho haan, Aaj subah ki chai maine usi ke saath p*e hai.Har kisi ko safai mat do... Har koi explanation ke kabil nahi.Apni zindagi apne hisaab se jiyo Log toh kuch na kuch kehte rahenge.”