دكتور اسامه ارميا

بيموتوا بسبب الحزن اه للاسف ده حقيقي
وللأسف ياما بيحصل وللأسف ممكن كمان يحصل
لو استسهلنا وتمادينا فيه
وياما قصص حصلت
اب اتوفي حزنا علي ابنه المتوفي
زوجه اتوفت حزنا علي فراق زوجها
وقصص كتيره جدا تؤكد ان الزعل بيموت
وكمان أكد الكلام ده الدكتور مجدي يعقوب
في لقاء تلفزيوني مع الاعلاميه لميس الحديدي
وذكر انه في متلازمه اسمها متلازمة القلب المكسور
او Broken Heart Syndrome
عبارة عن حالة او زي ما ذكر متلازمه بتحصل بسبب الحزن الشديد او الحزن المستمر لفترات طويله
بيحصل للاسف ضعف في جزء من عضلة القلب وكأنه حصل تليف في الجزء ده من القلب وخرج من الخدمه
وممكن يكون التأثر شديد لدرجة ان الضعف ده يؤثر علي كامل عضلة القلب وللأسف يموت في نفس اللحظه
ولو ربنا كتبله عمر الجديد الدنيا مش هتكون الطف حاجه
وهيعاني من مشكله ضعف عضلة القلب وعدم تحمل الصدمات
علشان كده جاي اقولكم خدوا بالكم مش بس من كلامكم لا جاي اقولكم خدوا بالكم من طريقة كلامكم وتعبيرات وشكم وحركات أيديكم وتعبيراتكم قدام الناس وخاصه لو انت عارف ان اللي قدامك شخص حساس مش بيتحمل الشد والجذب مش بيتحمل الظلم مش بيتحمل الافتراء والتجبر خد بالك لان الشخص زي البسكوته ايوه حقيقي هو هش لدرجه لا تتخيلها
والمشكله الكبيره انه لو الشخص ده انت معاشره وعارف ظروفه ودهاليز دنيته وعارف تأثره بالضغط العصبي والنفسي
يبقي لو انت تجبرت عليه وحصله حاجه سامحني انت
تعتبر قـ اتـ ل مع سبق الاصرار والترصد
علشان كده جاي اقولكم ارحموا بعض واجبروا بخاطر بعض
وصونوا بعض وحافظوا علي مشاعر بعض
وصدقني شعور انك تعيش بذنب أذية حد دي ربنا ما يكتبها علي حد ..ربنا يراضيكم ويفرح قلوبكم ويبعد عنكم الحزن
وصلوا وشاركوا الكلام ده مع بعض
والصحة والعافية ليكم

البقاء والدوام لله وحده
توفي الي رحمة الله الفنان محمد التاجي عن عمر ٧٢
فنان من ايام الزمن الجميل
من مسلسل البشاير مرورا بليالي الحلميه ومسرحية المتزوجون
نهاية بمسلسل ابوهيبه
كان شخص بسيط وعنده قبول غير عادي
ربنا يرحمه ويعزي ويصبر كل حبايبه
ادعوله بالرحمه والمغفرة

الزوجه التي تسشير زوجها في كل صغيره وكبيره ولا تخرج الا بمعرفة زوجها وبعد استأذانه له لا تعتبر زوجه (مذ لوله ) ولكنها زوجه تحترم زوجها وتحترم نفسها وتحترم حياتها الزوجيه

الزوجه التي لا تنقل كلام سيء قيل في حق زوجها من قبل أهلها لا تنقله لزوجها زوجه حكيمه وذكيه لان مثل هذه المواقف تزرع البغضه في نفس الزوج ومحاله تؤدي الي مشاكل متكررة

الزوجه التي تحل مشاكل أولادها الصغيره أو التافهه التي لا تحتاج تدخل زوجها أو ووجودها وقامت بحلها دون إبلاغ زوجها زوجه ذكيه وجدعه كمان

الزوجه التي لا تخبر زوجها مباشرة في وجهه بملاحظات سلبيه علي مظهره أو لبسه ولكنها بكل شياكه وذكاء تدخل بصورة غير مباشره عند ارتدائه ملابسه أو شراء ملابسه زوجه ذكيه

الزوجه المتدبره الحكيمه الذكيه تمنع وجود المشاكل أو لو حدثت مشكله سرعان مع تتعامل معها وتحلها