ماري الشام

أماااا عن السوريين هووون بمصر… 🫢🫣
عنجد ترددت كتير قبل ما أكتب بصراحة هيك تفاصيل ع صفحتي بسسس شوبدي قول.....

من أوووووووول يوم من اول لحظة وصلنا مصر اجت سيدة سورية مقيمة بالقاهرة دخلتنا على بيتها ٣ أيام بلياليها وأنا ما بعرفها ولا بتعرفني، في بنينا قرابة بعيدة كتير لكن كانت أول مرة كنا منتقابل
لأن والله لو داخلة بيت أختي ما كنت بلاقي استضافة هالحفاوة والكرم والحنية.عطونا أحسن وأكبر غرفة ببيتن وهنن بقيو بالصغيرة حتى تاني يوم تركونا بالبيت وراحوا على شغلهم عادي ما حسسونا إننا ضيوف.... كأنهم تاركين أهلهم بالبيت مستحيل انسى موقف هالعيلة معنا كنا هلئ واصلين وتعبانين كتير كتيييير بس قالتلي لما جيت مالقيت مكان اعد فيه لهيك حاسة فيكي💔
فعلاً مابحس فيك الا يلي عاش نفس ظروفك وبألف غصب حتى تركتنا نطلع من عندن هيك ناس عنجد بتخجل من من أخلاقن ومن كرمن وبتحس انو الن عليك دين مابحياتك بتقدر توفيلهن ولا جزأ صغير منو.
الله يجزيهم عنا خير الجزاء، ويشوفوا هالخير أضعاف مضاعفة بأولادهم وبأرزاقهم ياااارب 🙏🌸

أما لما ولد ابني بمصر… ما بفيني أحكي ببوست واحد قديش كنت خايفة ولحالي بالغربة، لأن أمي مو جنبي. شفت حنية من السوريين حوالي ما توقعتها بحياتي، والله ما تركوني لحظة… ناس بعرفهم وناس ما بعرفهم إجوا يباركولي ويفرحوني.
ومن ساعة ما إجا ابني ونور حياتنا ولوقت ما ضعف وتعب وماكان معنا من تمن العلاج ولاجنيه ، قامت عيلة سورية وتكفلت بكل تكاليف علاجه بدون ما يقبلوا أي اعتراض مننا… على قولة "هاد ابننا مو بس ابنكن". الله يجزيهن عنا خير الجزاء، ويخلف عليهن، ويقدرنا ويرزقنا يوم نرد هالمعروف للناس يلي حولينا ونكون نحنا كمان يد العون 🤝🏻🫶🏻

هدول هنن بنات سورية وانا فخورة اني مننهن وبس ارجع لبلدي حكون فخورة إني عشت هالسنين في بلدنا التاني مصر… يلي جمع هالشعبين أصالتهم وكرمهم وهذا اللي بيقوينا ويخلينا عيلة وحدة وبهون علينا غربتنا❤️


#سورية

🇸🇾
🇪🇬

✨ "ادخلوا مصر إن شاء الله آمنين"
أول ما دخلنا مصر شفنا هالآية مكتوبة بجدار كبير… كانت متل رسالة طمّنت قلوبنا إنو نحنا جايين على بلد الأمان🇪🇬

ومن أول لحظة، المصريين بيّنوا معدنهم الطيب…
🚕 من أول سواق تاكسي يلي مشي فينا مشوار طويل وما رضي ياخد ولا جنيه لأنه عرف إنو نحنا جايين هلئ من سوريا قلنا احنا أهل ❤️
🏠 وجارتنا الطيبة أول مرة كانت بتشوفنا عزمتنا على أطيب أكلة مصرية: سمك مع رز… والله قعدتنا كأنو عازمة اهلها♥️

ومع الوقت المصريين كانوا السند الحقيقي لمشروعنا الصغير ماري الشام من مكتبة مصر يلي فتحتلنا أول معرض للنوادي والجمعيات والبازارات يلي دعمونا بكل محبة

الحقيقة… لولاكم ما كان في شي اسمو ماري الشام
إنتو كنتو أكتر من أهل ورفاق درب وكل السوريين ببلاد المغترب كانو يحسدونا انو نحنا عايشين بين المصريين الجدعان الطيبين❤️

ولهيك نحنا كلنا كسوريين منفداها لهالبلد ورح نترك قطعة من روحنا وقلبنا بمصر ونرجع بلدنا سوريا ولح ناخد معنا كلشي حلو فيها بقلبنا وعيونا ومابهمنا كلشي بينحكى عالمواقع نحنا بينا وبين أهل مصر وحدة وعشرة ومواقف مستحيل هيك فتنة تفرقنا🤗

وكل الي تقال اشاعات
التومية والطعمية خوات😎❤️

عاشت سوريا وتحيا مصر❤️

#شكراً_مصر_حكومة_وشعباً
#مصريين
#سوريين #تريند
#اكسبلورر #بازار
#معارض