جامد أخر حاجه

الله اكبر الله اكبر
كنت فين يا مولانا من زمان
يا الله يعني انا اول حد اتكلم وانت يا مولانا كنت فين كنت فين يا مولانا وانا بنادي واقول حرم وانزل الفيديوهات يكذبوني وقالوا عليا انت مجنون وانت عدوا للمرأة
اتاخرت اوي يا مولانا شوف كام وحده زنات دلوقتي مين هيتحاسب عليهم انت ولى الأمة
الله المستعان
شيبه

خلاص بح

صورة لـ " بردية " محلاوية من عصر الروقان والدلع اللى اتمنع !

عقلى 🙈

معلش يجماعه عندي كام سؤال اتمني حد يجاوبني عليهم

انهارده قاعد أجازة فـ قولت اتفرج على فيلم "السلم والتعبان 2" والصراحة عندي شوية تساؤلات كده أرقّت نفسيتي لو مفيهاش إساءة أدب:

1- ليه أسماء جلال؟!..

2- إيه المساحات الواسعة دي كلها؟..

3- فين الأماكن دي في مصر؟.. انا معرفش أي مكان في الفيلم غير ميدان التحرير وهما معديين من عليه كده..

4- دي القلعة بتاعتنا؟!.. دي محمية وادي دجلة؟.. بتاعتنا!..

5- الناس دي بتشتغل إمتى؟..

6- ليه أسماء جلال؟!..

7- الناس دي بتربي عيالها إمتى؟..

8- ليه ولادهم مش بيروحوا غير التمارين والمسرح ليه مفيش مدرسة عادي؟.. العيال دي معندهاش مدارس ولا تقييمات؟..

9- مهندس إيه اللي فاحش الثراء كده؟.. فين المهندسين دول؟.. انا كل المهندسين اللي أعرفهم كحيانين باستثناء المهندس نجيب ساويرس عشان معرفوش..

10- العربيات دي بتمشي في شوارع مصر عادي؟..

11- ليه أسماء جلال؟!..

12- فين الستات الحلوة اللي ليل نهار متشيكة ولابسة فساتين ضهرها مفتوح وحاطة full makeup حتى وهما نايمين؟.. حتى وهما بيعيطوا؟..

13- طول عمري بشوف الستات اللي بتركز في حياتها وشغلها بعد الطلاق أول مرة أشوف راجل بيركز في شغله بعد ما اتجرح ياسطا يعني انت كنت مقضيها وانت متجوز بس لما طلقت توبت وركزت في شغلك؟.. أيعقل؟..

14- إيه مشهد أحمد فهمي؟..

15- ليه ماجد المصري يعمل طارق التلمساني؟..

16- ليه أسماء جلال؟!..

17- فين الأماكن اللي كلها بنات أجانب لازقين في الرجالة كده والرجالة بتختار اللي يعجبها؟..

18- ليه البنات كلها جسمها واحد يعني هي البلد كلها بقت موديلز داخلين يصوروا كليب مع عمرو دياب؟..

19- إيه البيوت والشبابيك والشركات الواسعة دي؟.. فين السقف؟.. انا مشوفتش سقف من كتر وسع الأماكن؟..

20- فين الرجالة اللي بتعتذر لستاتها قدام كل الناس دي؟..

21- ليه أسماء جلال؟!..

22- من إمتى بنقول إييووو ما طول عمرها اسمها ياااع عادي؟..

23- إيه المجتمع دا؟..

24- إحنا ليه فقرا كده؟..

25- إحنا ملط يابسيوني.. ملط؟..

26- ليه أسماء جلال؟!..

27- إيه بواريك أسماء جلال دي؟!..

28- إيه نوع الروچ الأحمر اللي أسماء جلال حطاه؟!..

29- ليه كم البرونززززز اللي بيشع من بشرة أسماء جلال دا؟..

30- ليه بدلة رقص أسماء جلال تحسها فستان سواريه مش بدلة رقص بلدي شعبولي كده طب ليه؟..

31- وتباعًا.. ليه أسماء جلال؟!..

32- فين البارات الشرحة البرحة الواسعة أوي دي وبيرقص ويغني فيها أجانب؟.. وليه إحنا بنخلص شغلنا ونروح ننام؟..

33- ليه الفستان الأحمر مفتوح الضهر الكامل يظهر فـ مشهدين في حفلتين.. كان عليه عرض؟..

34- ليه بنقول يا (أ)حمد؟.. هل في علاقة طردية بالثراء الفاحش وإبراز الهمزة في اسم أحمد؟.. مش كفاية دينا الشربيني 3 مواسم في كامل العدد مزهقانا بـ يا (أ)حمد..

35- وليه أحمد واخد بريك من مراته وعياله؟!. الصراحه أنا كـ أحمد مش عارف..

36- ليه أسماء جلال؟!..

37- باب مغارة علي بابا دا دخل مصر إمتى؟.. عشان تاني مرة أشوفه بعد مسلسل اتنين غيرنا؟..

38- هما مش خايفين على التمثال الأحمر اللي في الصالة دا العيال يكسروه وهما بيلعبوا؟.. آه صحيح العيال دي كومبارسات نسيت معلش..

39- لما مهندس عايش في كل دا عمرو دياب عايش في إيه؟.. أنا حقيقي نفسي أشوف بيت عمرو دياب؟..

40- ليه مهندس مفروض متربي وابن ناس وفاحش الثراء يشخ في الشارع؟.. هو يعني دا مفهوم الأغنيا عندكم؟.. كبدة من وسط البلد وبيبّي في الشارع؟..

41- ليه أسماء جلال؟!..

42- وليه عمرو يوسف في إصرار يطلعوه مرغوب فيهم وهو تقيل تُقل لايحتمل؟..

43- إيه كمية الإعلانات اللي في الفيلم دي؟.. وليه أبو عوف؟.. ليه حد عنده البيتين دول والفلوس دي كلها وبيجيب مكسرات من أبو عوف؟..

44- وانا بتفرج على الفليم مستني اللحظة اللي تميم يونس هيدخل الكادر ويسحب كل علب قهوة أبو عوف ويقولهم كفاية علبة واحدة بس عشان تبان طبيعية ونراضي الحاج شريف برضه لأنه راشش رشة حلوة..

45- ليه بتعملوا إعلان لمراسي في وسط الفيلم؟.. هي مراسي محتاجة إعلانات؟.. ليه بتعملوا إعلانات في الأفلام أصلاً؟..

46- ليه أسماء جلال؟!..

47- ليه لازم تحشروا بالعافية ممثل أو ممثلة سعودية في أي فيلم مصري حتى لو ملهاش لازمة؟.. ولا عشان خاطر شوال الرز طال عمره..

48- ليه الفيلم ساعتين؟..

49- كان ممكن نضغط عليه ويبقى ساعة إلا ربع عادي ولا هيفرق؟..

50- هو ليه الفيلم أصلاً؟..

51- ليه الناس عمالة تقول دا فيلم إباحي وناسيين أصلاً إنه إخراج طارق "العريان"؟..

52- ليه أسماء جلال؟!..

53- ولا عشان أسماء مبتقولش لأ؟..

54- طب فين أهل أسماء جلال؟!..

55- طب هو ليه أسماء جلال فـ المطلق مش الفيلم بس؟!..

مُرحب بأي تساؤلات من اللي بتحسسك إنك فقير وكحيان ومضيع حياتك في الشغل ومش بتلبس حلو وعايش في بدروم وبتنام بدري وبيضيع عليك سهر وبنات وشرب كتير وأسماء جلال..



؟!

فرجونا صور المطر عندكم

كل سنه وانتم طيبين
متنساش تصلو على النبى