الجيماوي

جسمك عباره عن حتة عجينه تشكلها زي مانتا عاوز بس عاوزه خباز شاطر😉

خلاص الفترة دي ناس كتير هتبدأ تظبط اكلها وهتبدأ تمشي ع دايت او تتبع نظام صحي فركز معايا وافهم الكلام دا واحفظه عندك عشان هتحتاجه ف الفترة دي كتير
,,,
ماشي ع نظام غذائي ,,, بتنشف ,,, بتخسي ,,
او حتي يدوب بتخفف اكلك وبتسيطر عليه بدون نظام محدد ,,
كام مرة حسيت انك عاوز ّكرة !!😡😡

كام مرة بوظت نظامك الغذائي وفتحت التلاجة كلت شوكلاته او حتة تورته او جاتو
بسبب انك حاسس انك عاوز حاجة مسكرة ,,,
كام مرة عقلك ضحك عليك وفهمك انك لازم تاكل مسكر ,,, لازم تاكل فطيرة بالسكر
كام مرة قومت بليل تجري ع التلاجة تدور ف اى حلويات ممكن تتاكل !

كتير صح ؟ ,,, للاسف

بص يا سيدي ,,, دي نصيحة مني كشخص بكل حب وحرص ع انك تكمل #صح ,,, وتفهم #صح
وتعرف صج
,,,

سمي الله
,,,

""" حتي لو ماشي ع نظام #صح 100% ف اوقات وايام ممكن بسبب مجهود زيادة ,
طاقة زيادة طلعتها جسمك عاوز يستبدلها او يعوضها ,,, شوية تفكير زيادة ,,,
مجهود ذهني حاد ,,
او ايان كان السبب والاسباب كتير ,,
فعلا جسمك ساعات بيكون محتاج جلوكوز ف الدم بنسبة زيادة شوية وف وقت معين ,,,
بيكون محتاج حاجة تدخله ياخد منها السكر دا ,,, محتاج شوية طاقة اضافيه
,,, عشان يعوض بيها ,,, او عشان يمد الدم بمصدر طاقة

فانت افهم صح ,,, واعرف ان اه جسمك محتاج جلوكوز ,,, محتاج مصدر طاقة
,,, لكن هو مش محتاج #سكر ,,, مش محتاج حاجة مسكرة بالمعني الحرفي !!!
ابدا ,,, ابدا ابدا

فانت قدامك حل من اتنين ,,, :-

1 - الحل الاول وهو حل #الابطال والناس المميزة ال بتوصل لاقوي نتيجة :-

تشرب مياه ,,, 200 - 400 مل ,,, ثم تصبر وتنسي تماما التفكير دا لمدة نص ساعه وتستحمل * اكنك صايم بالظبط * ,,,
ف الوقت دا ,,, وف خلال ما انت بتقرص ع نفسك
جسمك هيقول خلاص مفيش فايدة الراجل دا شكله عقل وفهم ,,, الست دي شكلها عاوزة تخس بجد
انا هروح احرق دهون عشان اخد مصدر الطاقة ال انا عاوزه ,,, واسد الخانه الفاضيه ,,,
وبكدا انت حفزت جسمك وشجعته انه يحرق ,,,
وبالتالي تعمل نتيجة اعلي سواء ع الميزان او ف شكلك الناشف اكتر .

2 - الحل الاجباري ,,, خلاص لازم تاكل واحساس االجوع صعب
تعالي نعرف ازاى نعمل دا بذكاء وحكمة ! :-

خلاص فعلا انت مش قادر ,,, مش عارف تسيطر ع نفسك ,,, محتاج تاكل حاجة ,,,
فهتعمل اى ؟

* هتاكل 1 كوب زبادي خالي الدسم ,,, 3 - 4 معالق كبار زبادي خالي الدسم *
مفيش زبادي ؟
* هتاكل نص مكعب جبن قريش ,,, 50 - 100 - 150 جم جبن قريش
حاف بدون عيش , ممكن مع سلطة او اى شرايح خضار *
مفيش قريش ؟
* هتاكل بيضة مسلوقة ,,, مسلوقة ,,, وياريت تشيل منها الصفار وتاخد البياض فقط
وبرده ممكن مع سلطة او خضار*

دول #اذكي الحاجات ال ممكن تاخدها ف موقف زي دا ,,, هتسد
وهتستفيد منها كمان ,,, وبدون اى خساير او تعطيل ,!
___________

خد نية قوية وصادقة انك هتنفذ الكلام دا ,,, واعمل بالنصيحة
وافهم كويس ان جسمك فعلا محتاج حاجة تدخله لكن مش محتاج يدخله سكر زي ما انت فاهم او عقلك مفهمك ,,, او العادات ال بتسمعها من صحابك مفهماك , وال يقولك انا امبارح قومت اكلت دونتس او سنيكرز
ف نص الليل كنت جعان جدا غصب عني وانت تتعاطف معاه
,,,

فاحنا هدفنا اننا نفهم البطن صح ,,, نفهم العقل صح ,,, جسمك عاوز اى فعلا
وبناء عليه لما تدخل ,,, " الاكل الصحي ,,, ف وقت الشده "
انت كدا :-

اولا :- هتسد الاحساس الرخم بالجوع ,,, الاحساس الرخم بانك عاوز حاجة مسكرة .
ثانيا :- هتحافظ ع نتايجك ومشوارك بدون اى غلط او تخبيط او أثر سلبي .

,,,,,

نقطة كبيرة ,,, ومطب لو اتحكمت فيه هتحصد نتايج عظيمة ,,, وهتدوس بكل قوة ف مشوارك ,,, خصوصا ف اول مشوارك وف بدايات طريق التغيير

شير ف التوعية والفهم ,,,, مشكلة كلنا مرينا بيها
وانا نفسي زمان كنت بحسها قبل ما افهم واعرف الجسم عاوز اى فعلا ,,, وبيحاول يقولي اى ,, بس انا ال فاهم غلط ومش عارف التصرف الصح 👌

الارداف - منطقة الفخذ.
من اكتر الاماكن ال بتخزن دهون ف جسم الانسان , وبتسبب مشاكل كتير نفسيا وبدنيا لناس كتير

هي فعلا مناطق رخمة وشرهه لتخزين الدهون , ولكن بأيدك جدا تغيرها وتحسنها وبكل قوة ,,, طيب ازاي🤔

= اولا الجري , الجري بكل اشكاله وانواعه
" هرولة - جري سريع - اسبرينت - جري ع مرتفعات , الخ "
اى نوع من انواع الجري هو سلاح مدمر لكل دهون الجسم , وخصوصا دهون الجزء السلفي , من اول البطن السفلي , الي السمانة ,,, الجري عظيم جدا جدا
فبمجرد التزامك وتركيزك ع الجري وانك تعمله بشكل يومي ع الاقل 3 ايام اسبوعيا
اعرف انك هتشوف الفرق وزن ومقاسات بنسبة 100% ومن اول اسبوع .

= ثانيا , وانتوا خلاص فهمتوا وحفظتوا ان طبعا اهم شيء ف انك تنزل دهون جسمك ف العموم او تخس , هي انك تمشي ع دايت مظبوط ومحترم , او ع الاقل ع الاقل تنضف اكلك وتمشي ع نظام حياة صحي عام .

" فانت هتعمل دايت مظبوط محسوب ودقيق
وهتهتم بالجري بشكل مكثف اعرف انك ف خلال شهرين هتكون عملت فرق عظيم ومقاس البنطلون هينزل وفتحة الحزام
هتتغير 3 مقاسات ع الاقل
ف خلال شهرين من الالتزام التام القوي
دايت وجري "

" هتمشي ع نظام عام صحي وتخفف اكلك وتهتم بالجري بشكل مكثف , هتحقق النتايج المحترمة برده , ولكن بشكل ابطأ نسبيا وع مدة اطول "

يبقي ملخص حل منطقة الارداف ومنطقة الفخذ ف سطر :-

*** دايت محترم او تنضيف اكل ونظام حياة صحي + جري مكثف واهتمام عام بتمارين الكارديو ككل ***
________________

دلوقتي بقي هنتكلم ع #تركات بالنسبة للجري نفسه , لو انت بتدوري او بتدور ع انك تخلي الجري يستهدف باكبر واقوي شكل ممكن ,,, ممكن تعمل دا ازاى ؟

1 - تعلي السرعه ع قد ما تقدر ... نزود سرعه الجري .

2- ترفع #انحدار المشايه _زى الصورة كدا _ ... بدل ما الانحدار بيكون " 0 "
لا نعليه تخليه 5 - 10 - 15

تفضل تعلي شوية شوية وكل فترة نزود من مستوانا اكتر ... نزود " 0.5 " ثم 1"
وهكذا ...
كل اما الانحدار يعلي اكتر النتيجة هتكون اعلي واقوي 👌🔝
ولو هتقدر تجري علي المشاية وهي كدا بيكون عظيم , لكن لو مش هتقدر تجري فهتعمل مشي سريع . ولازم يكون المشي بكل قوة وقدر استطاعتك .

دول التركتين ال لو حصلوا هيبدأ الجري والنتيجة تكون #مُركزة
ع الارداف "والجوانب من الخلف.. وهتحس بيها جدا وانت بتتمرن ...

*** ولو انت بتدورع تخسيس من الامام اكتر ما مهم بالنسبالك منطقة الارداف
فتخلي الانحدار 0 ومتعليش انحدار المشاية , خليها مستقيمة
الجري ع التريدميل وهس مستقيمة بيخلي التركيز كله ع منطقة #الفخد ... خصوصا منطقة العضلة الامامية بشكل رئيسي ومكثف .

" طيب انا معنديش مشاية ومش هعرف الاقي مشاية وعاوز استهدف الارداف اعمل اى ؟

الحل ف انك نجري او تمشي مشي سريع ع مستوي مرتفع ... زي مطلع كوبري او اي حاجه طالعه لفوق ... ودا يكون مع تزويد السرعه باكبر كم ممكن قدر الامكان 👌 "

بس يا سيدي , كدا انت معاك كل الاسرار
عاوز تخسس الارداف عرفت ازاى تستهدفها بشكل مكثف
عاوزة تخسسي الفخذ عرفتي ازاى تستهدفيها كويس😉

عاااش العاااش 💪

عندما تريد التوقف عن التمرين تذكر اول مره لماذا بدأت✋

حان الان موعد مقال الكتف :D
هتبدأ تتمرن خلاص ؟
رجعت التمرين تاني ؟
بتتمرن اصلا ؟
,,
طيب ركز معايا بقي الله يكرمك عشان البوست دا مهم جدا وهتحتاجه يعني هتحتاجه
ولو مش انهاردة فبكرة , ايوة هتحتاجه متبصليش كدا
,,,
الكتف , وما ادراك ما الكتف
" اتنين ملهمش امان , الفرامل ومفصل الكتف 😅 "

بس ليه كدا ؟ اشمعني يعني كل شوية الكتف يوجعك او تسمع ان واحد مصاب ف كتفه
او عنده مشكلة ف كتفه ؟
😡😡😡

سمي الله وتعالي نفهم كل حاجة وبشكل بسيط
,,,

""" الكتف هو اكتر مفصل بيتحرك وبيشتغل ف جسمك ,,,
اى حاجة بتتمرنها او اى حاجة بتشغلها , لازم هيتشغل فيها الكتف سواء بشكل كبير او متوسط او يدون مساعد وبيقوم بدور #التثبيت ,, المهم انه شغال ف اى وقت وكل وقت
,,
بتلعب صدر >>> يا سلام ع الصدر اصلا من غير كتف سليم انساها
او ع الاقل اعرف انك مش هتتمرن كل حاجة
😞
بتلعب ضهر >>> شغال الكتف برده
بتلعب دراع >>> والله لهشتغل برده
وطبعا بتلعب كتف فالكتف هو الاساس :D
يعني تقدر تقول ان ايان كان يوم التمرين او نوعة فالكتف هيشتغل ف اى يوم تمرين
,الكتف متمرمط معاك يوميا ف تمرينك ايان كان بتتمرن اى
,,
وكمان كلنا ف شغلنا او حتي دراستنا ومذاكرتنا لازم بنستخدم الكتف بشكل او باخر
خصوصا الرجالة ال بتشتغل شغل يدوي وبتشيل وبتحط
فبناء عليه
*** الكتف عليه حمل قوي وكبير ومستمر وبشكل يومي , مبيرتحش غير كل فين وفين ***

وعشان كدا ربنا سبحانه وتعالي مخلي الكتف جدا ف جسم الانسان
وعامله اجهزة حماية ع اعلي مستوي 🙌 , ليك انت تتخيل ان ف مجموعه عضلات لا تري بالعين مباشرة, لكن هي موجودة وبشكل قوي ف جسمك
العضلات دي وظيفتها الاساسية ال مخلوقه عشانها
هي حماية وتثبيت ودعم مفصل الكتف

لكن انت عليك دور كبير ف حماية وتأمين وتأهيل كتفك
وهو دا اهم حاجة عاوزك تطلع بيها من مقال انهاردة ,,, :-
®👌
1 = تسخين كتفك يوميا قبل اى تمرين ,,, مهم جدا جدا جدا
!!!
تسخن كتفك يوميا قبل ما تبدأ تمرينك , سواء عندك كتف او معندكش كتف
تسخن كتفك عشان كدا كدا هيتشغل معاك , انا شخصيا يوميا ف اى تمرين بسخن الكتف
ممكن بس يوم الرجل الوحيد ال مسخنش فيه كتفي

طيب اسخن ازاى👌
التسخين يا سيدي بيكون كالتالي :-

*** تسخن كتفك حركات دائرية ف كل الاتجاهات , يمين وشمال وفوق وتحت تسخين حر بجسمك فقط , ثم تجيب وزن خفيف دمبل صغير 1 - 3 كجم
وتسخن بيه كتفك بتمارين الرفرفة الامامية والجانبية والخلفيه
مجاميع " ادوار " والدور 8 - 12 عده , وبراحة وبتركيز وتحس انك بتشغل الكتف وبتحركه مش مجرد بتتمرجح او بتقضي واجب ***

*** ومدة تسخينك لكتفك فقط متقلش عن 5 د , اه 5 د متبصليش كدا :D
,,,

2 = تبعد عن اى حاجة ممكن تأثر عليك بالسلب سواء ع مفاصل جسمك ككل
او ع مفصل الكتف بالتحديد ,,, والحاجات دي ممكن تكون قلة شرب مياه
او قلة تغذية سليمة , او قلة نوم , او نوم غلط او سرير ناشف ومُتعب للنوم
,,
وخلي بالك , العادة السيئة بتأثر بشكل كبيـــــــــــــــــر جدا ع مفاصل جسمك ككل
وع الكتف تحديدا بشكل خاص " خصوصا ف حالات الافراط "
ومش عاوز اقولك ان والله ف نظرية معمولة وبحث كامل معمول من قريب ع الموضوع دا
وع التأثير ع الكتف بشكل خاص , وان البحث بيقول ان ف كتف هيكون مُعرض للاصابه او الالم بشكل اكبر واكتر من التاني , والكتف دا هو الدراع المستخدم !
بسبب وضعيه كتفك ! ,,, فالموضوع كبير ومش سهل وليه تاثير سلبي واضح
,,,

3 = تاخد كبسولات تدعم مفاصلك , زي الاوميجا 3 الكبسولات العظيمة الجميلة
وف حالة بقي انك دبابه واوزانك عاليه اوي وتمرينك مكثفك وقوي اوي
او ان مفاصلك تعبانة ف الاساس وهلكانة
فممكن تاخد مادة الجلوكوزامين , ككبسولات مساعدة اكتر , لمدة شهر او اسبوعين
كل 3 شهور , كعامل قوي لتدعيم وتغذية المفاصل .

,,,,,,,,,,,,

نختم المقال بجزء غاية ف الاهمية وهو :

" تتصرف ازاى ف حالة حسيت بوجع او الم او حصل اصابه خفيفه
او حتي تقيلة ف الكتف "

*** كتفك طرقع - حسيت بحاجة ركبت ع حاجة وف الم كبير - بعد التمرين كتفك وجعك جامد - نمت وصحيت لاقيت كتفك وجعك ***
هتعمل التاللي :-

= اول حاجة دوش ساقع او كمدات تلج ع كتفك لمدة 5 - 8 د متواصل , مرة مباشرة اول لما تحس بالوجع او بعد التمرين مباشرة , و3 مرات تانين ع مدار 48 ساعه
مرة كل 8 - 10 ساعات .

= تدهن دهان مضاد للتورم او للالتهابات او الرشح ,,, مرة كل 6 ساعات
ويكون الدهان دا مبيسخنش , يعني مبيزودش الدورة الدموية
يعني اوعي تستخدم دهان " مووف "
Moov
ف حالة اصابة طازة ,,, دا اسمه سوء فهم وسوء وعي " حافظ مش فاهم "
فانت بتستخدم الحاجة ال تقلل الرشح والتورم وتعمل غلق للمصارف والانابيب
مش تفتحها زيادة

Don't Use Cream Or Gel Making Heating Effect In
Recent - Acute Injury .

= لو الالم محتمل او بسيط او تديله تقدير اقل من 7 من 10
تريح يوم من التمرين وتاني يوم تشوف , لو الوجع بقي اقل ونزل ل 5/10 او اقل
اتمرن وسمي الله وابدأ , بس واحدة واحدة وباوزان معقوله
,,
لو فضل الالم لسه 5/10 او ف زيادة شوية , ريح يوم كمان , وانت طبعا مستمر ع الدهان والكمدات , وتاني يوم شوف واتوكل ع الله .

= لو الالم كان كبير وبايخ واكتر من 7/10 وتاني يوم منزلش ومرتحتش او بالعكس كمان
الالم زاد وبقي رخم اكتر , فياريت تتوجه لاقرب دكتور استشاري اصابات ملاعب
او استشاري عظام , وخليه يكشف عليك ويشوف اى الوضع بالظبط
" وياريت يكون دكتور ليه علاقة شوية بالرياضة والرياضيين , مش يدوب اسهل كلمة عنده ريح وانسي التمرين والرياضة , عشان كلمة انسي التمرين دي نادر لما تكون تستاهل فعلا انها تتقال , بس للاسف ف دكاترة كتير بتحب تريح دماغها والسلام
وهم اصلا اعداء للتمرين والرياضة "

وان شاء الله بعد الكشف هتاخد علاج مكثف شوية وهتريح 5 - 14 يوم ع حسب كم وكيف الوجع والاصابه , وع حسب بتخف بسرعه ولا ببطأ
وتقدر بعدها تبدأ ترجع تاني تمرينك , وتبدأ تشد واحدة واحدة .

= تقدر تستخدم دهان مووف او الشبيه ليه , اوالكمدات الدافيه بعد اول 3 ايام من الاصابه
مش قبل كدا ! .

_____________________________________

اختصار المقال ف نقط بسيطة :-

* الكتف بيتعب معاك ف اى تمرين وع مدار يومك , فلازم تهتم بسلامته وكفاءته .
* لازم لازم لازم تسخن كتفك يوميا ف بداية تمرينك .
* لازم تبعد عن اى حاجة ممكن تأثر ع مفاصلك ككل بالسلب وع كتفك خصوصا .
* لازم متستعجلش ف اصابات الكتف , حط الف خطططططططططط تحت السطر دا ارجوك !!!!
ولازم تتصرف صح مع الوجع او الالم
ولو ف اصابة لازم متستعجلش وتتعالج صح , ولما ترجع ترجع بالتدريج وبالعقل
مش بشكل جامد او بتحميل عالي .

,,,,
وعااش العاااش يابطل 💪

اذا كنت تأتي اللي الجيم الابهار الفتيات ف الشارع فتمارين الضغط تكفي لهذا الغرض
فلا تأتي اللي القاعه وتزعج الوحوش
روني كولمن ❤️💪

لسه راجع التمرين جديد ,,, لسه بادأة تتمرني جديد ف البيت
هتلاقي نفسك ف خلال يوم او اتنين مش عارف ترفع ايدك مش عارف تاخد دوش :D
مش عارف تشيل كوباية , مش قادرة تنزلي ع السلم
عاش العاش :D

لكن كل دا طبيعي وعادي متقلقش ومتشغلش بالك ,,, دا وجع التمرين
سمانة تقفش وتشد ,,, عضلات دراعك تكلبش ,,, صدرك ينمّل :D
كل دا عادي وطبيعي وهيروح ف خلال ايام لوحده

كل ال عليك انك تصبر وتستمر ,,, وتدوس وتستحمل والعملية مش اكتر
ولكن برده ف نفس الوقت تقدر تساعد ب :-

= انك تاخد دوش ساقع بعد التمرين مباشرة .
= دوش سخن قبل النوم وتركز المياه ع مكان الشد .
= تعمل بعد التمرين .

"" ونصيحة خاصه بالاشخاص ال بتتمرن تمارين اوزان ومقاومة
,,, سواء ولاد او بنات ,,, وانت ف اول فترة خصوصا
اول 7 - 10 ايام حضرتك مش مطلوب منك تشيل اوزان تقيله وتقعد تعافر وتحزق :D ,
,,,
وبعد اذنك متسمعش لصحابك ال عمالين يهزروا معاك عشان تشيل تقيل او بينافسوك ف الاوزان وتفضل تشغل بالك هم بيشيلوا اد اى ,,, كل حاجة ف وقتها ودا مش مقياس ليك دلوقتي ,, فانت ف اول اسبوعين مش مطلوب منك نهائي اى اوزان تقيلة ,,, خصوصا عشان تقدر تحافظ ع تمرينك وتقدر تتمرن وجسمك ميبقاش مكسر وغصب عنك متنزلش التمرين ""

وعاش العاش عليك 💪💪💪💪💪

شير ومينشن لصاحبك ال لسه باديء تمرين ,,, او ال كان مريح من التمرين ورجع يتمرن
,,,
واستنوا انهاردة بليل المقال ال هيفهمك وهيشرحلك هل لازم تحس بوجع بعد التمرين ولا لا؟
والوجع دا حاجة كويسة ولا لا ؟
❤️💪