Aroma Of Life - رائحة حياة

لما الروح القدس بيجي بيجيب معاه حجات كتير ولما هو بيجي
في حجات برده كتير بتمشي......
يوم الخمسين قبل الإمتلاء من الروح القدس...التلاميذ كانوا بحال وبعده بحال تاني 🔥🔥🔥
لما الروح القدس بيجي... الخوف بيمشي ...عدم الغفران بيمشي
روح اليتم بيمشي ....الغضب بيمشي.... الإحباط بيمشي ....
الغيرة بتمشي...الكراهية بتمشي... التوهان بيمشي ....الخيانة بتمشي...
الآلهة الغريبة بتمشي.....حجات كتير بتمشي .....حتي القلوب بيكون جواها أماكن وأشخاص وعادات وطباع كلها بتمشي....
الروح القدس عايز يجي ...عايز يملي..... عايز يعزي... عايز يقوي...عايز يرشد.... عايز يفرح...عايز يعلم....عايز نفس واحدة عطشانة ليه...
فا....في نفوس مش عطشانه ...
فالنتيجة ببساطة ⚠️⚠️⚠️
الحجات مابتمشيش عشان الروح القدس مابيجيش

لما الأوقات مش بتتظبط في مواعيدها الزمان بيتلخبط ....
لما السكوت يجي وقت الكلام الزمن بيتلخبط...لما الضحك يجي وقت البكا الزمن بيتلخبط..لما الموت يجي وقت الولادة الزمن بيتلخبط..لما البناء يجي وقت الهدم الزمن بيتلخبط ولما الكره يجي وقت الحب الزمن بيتلخبط...كل حاجة مش في ميعادها بتلخبط زماننا....
ولما الزمن بيتلخبط احنا كمان بنتلخبط ومش بنعيش مرتاحين..
في كتالوج وفيه صنع الله الكل حسنا في وقته..من الكتالوج بنعرف وبنتعلم امته نتكلم وامته نسكت امته نزرع وامته نحصد امته نبكي وامته نضحك...امته نقرب وامته نبعد...
امته نبني وامته نهد..امته نصلح وامته نطرح....
لو مفيش كتالوج مفيش ازمنة مظبوطة في لخبطة وعك وتوهان وزي ماتيجي تيجي...وزي ما أي حد يقول هانمشي ونجرب ويضيع زماننا...
الكتالوج في الحق والحق في الكلمة والكلمه في الكتاب وفي الكتاب حياة وقال فتشوا الكتب.ولو مفيش كتاب مفتوح مفيش زمان مظبوط

لِكُلِّ شَيْءٍ زَمَانٌ، وَلِكُلِّ أَمْرٍ تَحْتَ السَّمَاوَاتِ وَقْتٌ: لِلْوِلاَدَةِ وَقْتٌ وَلِلْمَوْتِ وَقْتٌ..... لِلْهَدْمِ وَقْتٌ وَلِلْبِنَاءِ وَقْتٌ. لِلْبُكَاءِ وَقْتٌ وَلِلضَّحْكِ وَقْتٌ. لِلنَّوْحِ وَقْتٌ وَلِلرَّقْصِ وَقْتٌ. ....لِلْكَسْبِ وَقْتٌ وَلِلْخَسَارَةِ ..... لِلسُّكُوتِ وَقْتٌ وَلِلتَّكَلُّمِ وَقْتٌ. . لِلْحُبِّ وَقْتٌ وَلِلْبُغْضَةِ وَقْتٌ. لِلْحَرْبِ وَقْتٌ وَلِلصُّلْحِ وَقْتٌ....... صَنَعَ الْكُلَّ حَسَنًا فِي وَقْتِهِ، وَأَيْضًا جَعَلَ الأَبَدِيَّةَ فِي قَلْبِهِمِ، الَّتِي بِلاَهَا لاَ يُدْرِكُ الإِنْسَانُ الْعَمَلَ الَّذِي يَعْمَلُهُ اللهُ مِنَ الْبِدَايَةِ إِلَى النِّهَايَةِ. (الجامعة ٣: ١-١١)

أوقات تعدي علينا صعوبات ومشاكل وتحديات بنتذمر وبنتعب وبنقع وبنزعل وبندبدب في الارض...
بس هي بتكون في الحقيقة تدريب لمواجهات تقيلة جاية...
وحتي في الأوقات الهادية محتاجين نتدرب للاوقات الصعبة...
"«إِنْ جَرَيْتَ مَعَ الْمُشَاةِ فَأَتْعَبُوكَ، فَكَيْفَ تُبَارِي الْخَيْلَ؟ وَإِنْ كُنْتَ مُنْبَطِحًا فِي أَرْضِ السَّلاَمِ، فَكَيْفَ تَعْمَلُ فِي كِبْرِيَاءِ الأُرْدُنِّ؟" (إر 12: 5)
في الحرب محدش بيتدرب ازاي يحارب...
في الحرب يا غالب يامغلوب .....
في كل اختبار وأزمة ومواجهة في حياتنا تدريب ...وانا اللي بقرر وقتها ولازم افكر....هاطلع متدرب ومتعلم وعضلاتي أقوي!!!!
ولا كل اللي فارقلي اطلع وبس !!!!والأزمة تخلص زي ماتخلص...
الازمة هاتخلص هاتخلص...اطلع منها وانت أقوي...مش وانت مهروووس ..... وتبقي من مجد لمجد واللي كان هايهرسك
مشيت عليه و كبرت بيه...
ويتغير معني وشكل الحياة.....
وتطلع أقوي ازاي ؟؟؟؟؟
اطلب فايعطيك...كلمته تنور عينيك..روحه يرشدك ويقويك
أصله غني أوي بيعطي كل من سأله...
لِكَيْ يُعْطِيَكُمْ بِحَسَبِ غِنَى مَجْدِهِ، أَنْ تَتَأَيَّدُوا بِالْقُوَّةِ بِرُوحِهِ فِي الإِنْسَانِ الْبَاطِنِ،"
(أف 3: 16).

جملة سمعتها شجعتني 💪💪
الخوف مش مشاعر... الخوف روح
أما السلام فهو شخص...
ايه اللي يشجع؟؟!!!أقولك....
الروح مخلوق ساقط... تخلص منه بصوم وبصلاة ...
تحاربه وتنتهره بإسم يسوع فايهرب....
انما السلام هو شخص الله نفسه
اللي يسحق الشيطان وكل روح منه
وينتهر الروح المخيف المزعج اللي بيخوفنا
واللي بيهيج رياح وعواصف الأحداث في حياتنا
فايقوم الرب يسوع ويقول....👇🏻👇🏻
فَقَامَ وَانْتَهَرَ الرِّيحَ، وَقَالَ....«اسْكُتْ! اِبْكَمْ!».
فَسَكَنَتِ الرِّيحُ وَصَارَ هُدُوءٌ عَظِيمٌ. (مرقس ٤: ٣٩)
كل مخاوف بتهاجمك انتهرها بإسم يسوع هاتهرب...
وَإِلهُ السَّلاَمِ سَيَسْحَقُ الشَّيْطَانَ تَحْتَ أَرْجُلِكُمْ سَرِيعًا نِعْمَةُ رَبِّنَا يَسُوعَ الْمَسِيحِ مَعَكُمْ. آمِينَ. (رومية ١٦: ٢٠)

ولأن الله محبة وأحبنا فضلا.....فا...إبليس مابيحبش الحب...
الحب اللي من الله مصدر الحب...
فا ممكن يدبر لسنين قدام عشان يهد أسوار الحب و يبني أسوار الكراهية في كل مكان...
فايرمي ظنون فوق ظنون يغير معاني الكلام ويرمي أفكاره المليانة ((بغضة)) اللي هي الكراهية شديدة ....فايعمل كسور وانقسامات وخصومات.. وكلام الحب يتشاف هو هو كلام البغضة.....
بس برده ولأن الرب صالح فايسمح ان المحبة تمتحن بالنار وتتنقي فا يعدل الله ويظبط مسار المحبة فا تتحول من محبة أرضية تغضب وتطلب المقابل وتطلب ما لنفسها لمحبة من السما تعرف تحب اللي بيحبها واللي مابيحبهاش..... اللي بيديها حب واللي مابيديهاش
وتعرف تغفر وتطلق الأشخاص.....وتعرف امته تتكلم وامته تسكت ...
فا نكتشف كمان.....⚠️⚠️
ان حتي المحبة تحتاج تتنقي وتعدي علي النار الإلهية وتبقي زي محبة الله مصدر المحبة....ولما تتنقي تاخد بيها جودة علاقات مريحة ماشية نفس السكة مشفية تبني معاك وتزقك لقدام ...فاهاتحب الكل...بس هاتعرف تكمل معي مين ورايحين فين....

الطاعة سكة وطريق وقرار صعب بس بيكبر صاحبه
صعب تبقي لوحدك أوقات ...صعب تبقي عكس الناس .....
صعب تتشاف مجنون وتسمعها بودنك
صعب تصدق وتفرح من قبل ماتشوف
صعب تنكر الواقع اللي عينك بتشوفه وتصدق الوعد اللي ودنك سمعته
صعب بس مش مستحيل قرار بتاخده وتقول أقوم الآن
الطاعة تكبر صاحبها
ياتطيع وتكبر ياتمشي بدماغك وتفضل صغير
«يَنْبَغِي أَنْ يُطَاعَ اللهُ أَكْثَرَ مِنَ النَّاسِ.
(أعمال الرسل ٥: ٢٩)

تعليم عن الميلاد اتعلمته وفرق معيا
الميلاد خبر وبشارة سارة
ولما يجي السؤال الرب يسوع جاه ليه؟؟
الرد المثالي المحفوظ هايكون عشان يفدينا ويخلصنا وانه
«الْمَجْدُ للهِ فِي الأَعَالِي، وَعَلَى الأَرْضِ السَّلاَمُ، وَبِالنَّاسِ الْمَسَرَّةُ»" (لو 2: 14)..وديه البشارة المفرحة بس جوا البشارة بشاير كتيرة...
الرب يسوع جاه عشان يبقي شبهنا ويعدي وسط آلامنا ويواجه كل صعوبات حياتنا..فا لو فينا فقرا هو كان فقير لو في فينا مظلومين هو اتظلم كتير ولو فينا اتخانوا من القريبين هو اتخان من أقرب القريبين لو فينا محتقرين ومرزولين ومتهانين ومشتومين هو كمان اتهان واتشتم كتير كتير
بس الحقيقة احنا خاطيين لكن هو بالرغم من انه بلا خطية واجه كل الحجات ديه و فتح لينا باب النصرة علي الظلم والخيانه والفقر والإهانه وزي ما هو عدي بيقدر يعيننا ويعدي بينا...فا الميلاد فرحة بداية خطة الخلاص من الخطية وكمان بداية تأسيس وفتح لأبواب نصرة علي كل تحديات حياتنا عشان كده مفيش سؤال مش إجابته يسوع ومفيش مشكلة مش حلها يسوع....بس مش الكل عايزين ولا الكل مرحبين
فالما بتقبل البشارة بيجي علي ارضك السلام وفي قلبك المسرة والخلاص والنصرة والأبواب المفتوحة بيسوع المسيح في كل تحدي وليك الإختيار

مِنْ ثَمَّ كَانَ يَنْبَغِي أَنْ يُشْبِهَ إِخْوَتَهُ فِي كُلِّ شَيْءٍ، لِكَيْ يَكُونَ رَحِيمًا، وَرَئِيسَ كَهَنَةٍ أَمِينًا فِي مَا ِللهِ حَتَّى يُكَفِّرَ خَطَايَا الشَّعْبِ. ... لأَنَّهُ فِي مَا هُوَ قَدْ تَأَلَّمَ مُجَرَّبًا يَقْدِرُ أَنْ يُعِينَ الْمُجَرَّبِينَ (العبرانيين ٢: ١٧، ١٨)
كل سنة واحنا مقدرين ومدركين بشارة ميلاد يسوع وعلي اراضينا سلامه وفي قلوبنا المسرة

سببين لفرحك وسلامك⚠️⚠️⚠️
☝️الفرح والسلام بيجولك علشان موقف حلو بتعدي فيه؟؟
✌️ ولا علشان إلهك اللي انت متكل عليه؟!!
الأولاني من برا وهايخلص مع الزمن...
التاني من جوا وبيفضل عشان الهك فوق الزمن ....
فالو فرحك وسلامك من ظروفك هايكونوا ضيوفك 😔😔
لكن لو فرحك وسلامك من إلهك هايكونوا سكان قلبك♥️♥️
وَيَفْرَحُ جَمِيعُ الْمُتَّكِلِينَ عَلَيْكَ. إِلَى الأَبَدِ يَهْتِفُونَ، وَتُظَلِّلُهُمْ. وَيَبْتَهِجُ بِكَ مُحِبُّو اسْمِكَ." (مز 5: 11).
، فَاسْتَجَابَ لَهُمْ لأَنَّهُمُ اُتَّكَلُوا عَلَيْهِ. (أخبار الأيام الأول ٥: ٢٠)

حكايات في الليالي .....
ليله ..ملوك طار من عينيها نومها...
وليالي.. ملوك زارتها الاحلام جوا نومها....
فا....عشان اكرام مردخاي يطير نوم الملك 👑 👑
ولاجل براءة وترقية يوسف يحلم الملك 👑👑...
ولإنقاذ نفوس وترقية دانيال يحلم كمان ملك👑👑....
لما تكون ابنه عايش في مخافته استناه مهما طال الوقت في وقته جاي مابيتأخرش...
هو قال
فَإِنِّي أُكْرِمُ الَّذِينَ يُكْرِمُونَنِي، ." (1 صم 2: 30).
وليلتك جايه جايه...فا إطمن
الترقية جاية.......البراءة جاية......الإنقاذ جاي...
رساله ليك من إمضاء
يوسف ومردخاي ودانيال

تخيل🤔🤔
في قعدات هاتنور وشك وتطول عمرك
🙈 🙈🙈اه صدقني..
في علاقات و قعدات فيها كلام وحكايات تطلع منها وشك منور وجلدك بيلمع ولما تكررها عمرك يطول وحتي لو كبرت عينيك ماتضعفش و تفضل بقوتك ونضارتك وحيويتك..ومين مايحبش كده 🙈🙈..
بس كمان في قعدات وحكايات تطفيك وتعجزك وتكرارها يعتم عينيك ماتشوفش صح وماتشوفش كويس وكمان بتقصر عمرك ويمكن تكبر بس تعيش محني مش شايف عينيك مغبشة😔رؤيتك مش واضحة وقوتك مش فيك مطفي 😔😔😔 ...
فا ركز بتقعد مع مين!! وبتقول ايه!! وبتسمع ايه!!! وطالع من قاعدتك منور ولامطفي؟!!!!!!
ولو مش مصدق اقري كده👇🏻👇🏻👇🏻 وَبَكَّرَ مُوسَى فِي الصَّبَاحِ وَصَعِدَ إِلَى جَبَلِ سِينَاءَ كَمَا أَمَرَهُ الرَّبُّ، .... فَاجْتَازَ الرَّبُّ قُدَّامَهُ، .......
وَكَانَ لَمَّا نَزَلَ مُوسَى مِنْ جَبَلِ سِينَاءَ ..... لَمْ يَعْلَمْ أَنَّ جِلْدَ وَجْهِهِ صَارَ يَلْمَعُ فِي كَلاَمِهِ مَعَهُ........ وَلَمَّا فَرَغَ مُوسَى مِنَ الْكَلاَمِ مَعَهُمْ، جَعَلَ عَلَى وَجْهِهِ بُرْقُعًا. وَكَانَ مُوسَى عِنْدَ دُخُولِهِ أَمَامَ الرَّبِّ لِيَتَكَلَّمَ مَعَهُ يَنْزِعُ الْبُرْقُعَ حَتَّى يَخْرُجَ، . (الخروج ٣٤: ٢٩، ٣٠، ٣٣، ٣٤)
وَكَانَ مُوسَى ابْنَ مِئَةٍ وَعِشْرِينَ سَنَةً حِينَ مَاتَ، وَلَمْ تَكِلَّ عَيْنُهُ وَلاَ ذَهَبَتْ نَضَارَتُهُ." (تث 34: 7).