Abdou The Barber / عبدو الحلاق

ان شاء الله راح يكون آخر post في هذي الباجة يكون نصيحة و صدقة جارية ان شاء الله
سورتو للشبيبة اللي طالعين راك تقرا و لا راك سطاج و لا راك تبريكولي في كاش خدمة مع جاركم و لا مع صحابك و لا راك داخلها غير تيك توك و فيسبوك دير في بالك وقتك راه يروح و نتا ماكش تستثمر في روحك
اولا نقلك اللغات ثم اللغات و على رأسهم الانجليزية و زيد معاها لغة وحدوخرة اللي بغاها قلبك بصح دير في بالاك اللغة مشي علم اللغة تنما وسيلة تواصل و فقط ما تعطيهاش اكثر من حقها الا اذا كنت راح تقري هذيك اللغة .
و دير في بالك غدوة تجيك خدمة و لا تجيك خرجة و تصيب روحك تقدم على خدمات فيهم منافسة و فيهم ناس في نفس المجال تاعك بصح يعرفو خيرمنك علاه في ميزك ؟ بيسك كي كنت لاهي نتا هوما كانو يستثمرو في وقتهم يتعلمو حوايج جدد يديرو لي كونطاكت .... دير حاجة في راسك نتا شاراك باغي تدير بحياتك ؟ شاهو الشغف تاعك و شاهي العفسة اللي تديرها تحس روحك فرحان و تنجم تمد 200% من القدرات تاوعك هذيك العفسة بالات ني باغي تدخل ضروك لغوغل و ايوتوب و تحوس كيفااه توصللها و كيفاه تحقق هذيك العفسة و واش هوما الايجابيات و السلبيات و اسكو نتا صح تبغي هذيك العفسة ما تخممش في خدمة هذيك مطلوبة و لا قليلة خمم بالي هذي العفسة نبغينا و الشغف تاعي هذا هو و دير roadmap يعني خارطة طريق كيف توصل لهذيك العفسة و كاين في الانترنت دورات في كل المجالات اللي ميعرفش نوريلو و اتهلو في الوالدين بزاف و ديرو مجهودكم باه ترضوهم .
و ما تنساونيش بدعاء في الغيب و السلام عليكم .