Asosiasisaun Das Familias Dos Antigos Combatentes

Pouzada Turiscai, 13 de Janeiro 2024.

Assosiação das Familias dos Antigos Combatentes (ASSOFAC)Partisipa iha Dialogu Nasionál entre komunidade Organizasaun Sociedade Civil ho IX Governu Konstituisionál ho tema "HAMUTUK ITA ASEGURA PARTISIPASAUN SIDADAUN HOTU IHA DEZENVOLVIMENTU NASIONÁL NE'EBÉ REJILENTE NO INKLUZIVU" Dialogu nee realiza iha suku Caimauc Pouzada Turiscai.

Agradese bele mai Vizita Fleixa ♥️♥️

SASCAS HAMUTUK HO ASSOFAC HALAO INAGURASAUN MINI TURIZMU NO KAFETARIA IHA FLEIXA

Fleixa, 16 de Dezembro 2023

Diretór Ezekutivu SASCAS Edvin D. Soares Noronha Hamutuk ho Fundadora Asosiasaun ASSOFAC, akonpaña husi Autoridade Lokál postu Administrativu Maubisse, Autoridade Suco Aitutu , Autoridade Aldeia Aihou ofisialmente halao ona Inagurasaun Mini Turizmu no Kafetaria iha Fleixa, no hahu loke ona ba Públiku.

Iha serimónia Inagurasaun ne'e Diretór Ezekutivu SASCAS Edvin D. Soares Noronha hateten, ASSOFAC hanesan Oraganizasaun Rezistensia ne'ebé halao parseiru kleur ho SASCAS hodi kontribui ba Prosesu dezenvolvimentu Nasionál, nune'e Diretor hato'o agradese ba Asosiasaun tanba bele Kria planu ne'ebé mak diak hodi azuda ita nia komunidade sira iha baze.

Durante fulan Dezenbru nee Vizitantes sira ne'ebé halao Viajen ba iha Munisipiu Ainaro, Same, Suai, hahu vizita ona mini Jardin no kafetaria iha Fleixa.

Menbru Asosiados Maria Rosario da Silva Senti kontenti no agradese ba Governu liu husi SASCAS hamutuk ho Asosiasaun das Familias dos Antigos Combatentes (ASSOFAC) bele kria ona programa dezenvolventu iha sira nia suku.

" Hau nu'udar menbru Grupu iha mini Kafetaria no Jardin turizmu, senti kontenti no agradese tebes ba programa Dezenvolvimentu ne'ebé mai iha ami nia suku, liu liu ba ami juventude ne'ebé mak kbiit laiha, eskola hotu maibe ba buka servisu la hetan, ho programa ne'e, bele sustenta ona ami idak idak nia moris loron- loron, ami hotu iha grupu ida nee ho fuan ho laran tomak kontenti simu programa desenvolvimentu ida nee mai iha ami nia leet, no ami nia hakarak Asosiasaun ne'ebé maka implementa programa desenvolvimentu kafetaria ida nee nafatin hamutuk ho ami hodi kontinuasaun ba nia sustentabilidade iha futuru" Menbru Grupu relata

Fleixa 09 de Dezembro 2023, Asosiasaun das Familias dos Antigos Combatentes (ASSOFAC) hato'o obrigado no Agradese ba Maun Mariano Ximenes ne'ebé ho nia skil dezeñu ona mini kafetaria iha Fleixa hodi atrai ita nia maluk sira ne'ebé halao viajen ba iha Ainaro, Same, Suai, Sempre para hodi Hasai fotografia iha parede Kafetaria Fleixa. Obrigado barak ba ita nia servisu hamutuk Maun Marianu Ximenes.

Karik maluk sira presiza Maun Marianu nia liman fatin bele konktu ho nia numeru tlfn 75281269/77539720 ho folin nebe baratu

Dader koko kafe manas iha Fleixa ☕☕☕

Ainaro, 01 Dezembro 2023, Assosiação das familias dos Antigos Combatentes (ASSOFAC) kontinua implementa mini jardin ba grupu tarjetu iha fleixa Maubisse, programa ne'e rasik hetan apoiu maximu husi Serviço de Apoio a Sociedade Civil e Auditoria Social (SASCAS).

Antes ne'e mós Asssiação hetan fundus husi SASCAS hodi apoiu grupu implementa mini kafetaria iha Fleixa

dadaun ne'e grupu loke ona ba públiku liu-liu maluk sira ne'ebé halao viajen ba iha munisipiu Ainaro Same Suai keta haluha koko kafé manas no produtu lokál iha Fleixa.

Laos hemu deit kafé manas, maibe maluk sira mós bele hare sira Nia aifunan fresku husi fleixa, ne'ebé sira fahan iha Fatin kafetaria ho folin neebe baratu ♥️😀♥️

Agradese no Urgulhu ba SASCAS ne'ebé apoiu fundus ba Asosiasaun hodi ajuda ona ita nia maluk sira iha baze.

ASSOFAC HALA’O DIALOGU KOMUNITÁRIU IHA MUNISIPIU BOBONARU

Atabae, 24 de Setembru 2022, Asosisaun das familias dos Antigos Combatentes (ASSOFAC) iha loron sabado ne’e hala’o dialogu komunitáriu iha suku Aidaba Leten Postu Administrativu Atabae, Munisipiu Bobonaru, ho Objetivu atu hakbesik an ba komunidade hodi rona aspirasaun sira iha baze .

Dialogu ne'e realiza tanba hetan apoiu maximu husi Gabinete Primeiru Ministru Apoiu Sosiedade Civil SASCAS.

Iha Dialogu komunitáriu ne’e Konsultan husi ASSOFAC Sr. Corneliu F. Gusmão aprezenta programa/progresu serbisu asosiasaun nian ne’ebé hala’o ona iha munisipiu Baucau, Viqueque, Lospalos no Ainaru.

“ ohin ita mai halo dialogu iha ne’e, hakarak atu rona aspirasaun husi komunidade liu-liu nesesidade ka situasaun saida maka komunidade sira infrenta hodi nune’e, wanhira ASSOFAC fila sei trasa planu atu realiza, tanba ita hotu hatene katak ASSOFAC nia planu ne’e, planu ne’ebé mai husi komunidade no sei fila ba komunidade” Konsultan haktuir

Partisipante Sr. Fernando senti urgulhu tanba Asosiasaun bele hakbesik an ba komunidade hodi rona komunidade sira nia halerik

“ tanba ita hare ba realidade tantu governu no partidu politiku koalia buat barak maibe la realiza, tanba iha komunidade barak maka prekupa tebes ho buat sira ne’e tanba parte relevante sira hanesan governu la toman atensaun ba povu nia halerik liu-liu ba juventude ne’ebé mak buka servisu, tanba ita hare ba realidade agora, juventude barak maka sai ba rai liur, hau espera katak ho Asosiasaun Assofac nia programa diak tebes bele ba direita iha komunidade sira let hodi rona sira nia problema, liu husi programa sira ne’e bele mós realiza balun turi mehi ne’ebé asosiasaun iha tuir nesesidade ne’ebé komunidade sira husu” partisipante relata ba mídia assofac

Durante halo diskusaun dialogu komunitáriu partisipantes sira hamosu sira nia ideias sira hodi har’i maka hanesan : Grupu mini Kafetaria, Grupu peskas, grupu har’i benkel, grupu hortikultura, grupu alfaiate no karpintaria.

Mídia Assofac

HALAO MONITORIZASAUN BA GRUPU SORU TAIS IHA VIQUEQUE

Iha loron Domingo ne’e ekipa Téknika husi ASSOFAC (Asosiasaun das Familias dos Antigos Kombatentes kontinua halao monitorizasaun ba grupu soru Tais iha suco Bibileo Postu Administrativu Viqueque Vila.

Objetivu husi monitorizasaun ne’e hodi hala’o observasaun direita atu bele hatene progresu servisu soru tais, Menbru grupu Zelia Biatris Soares Amaral, senti agradese tebes husi ASSOFAC bele mai hala’o monitorizasaun ba sira nia grupu soru tais iha suco Bibileo, durante sira halao prosesu tais sira hasoru difikuldade oi-oin mak hanesan menbru grupu sira dalaruma la marka prezensa, entaun difikulta tebes atu hala’o produsaun tais ho lais. durante tinan rua nia laran ne’e, sira nia grupu produs tais barak ona. No sira mos hetan rendimentu husi tais ne’e, hateten zelia biatris iha suco Bibileo.

Alende ne’e mos husi Tékniku Assofac kontinua hala’o monitorizasaun ba grupu hari’i benkel iha suco Vesoru, Postu administrativu Watulari. Hodi hare mos progresu servisu iha fatin refere.

Iha monitorizasaun ne’e akonpaña husi Consultan Sr. Cornelio F. Gusmão, Asistem Programa Oficcer, Hipolito Gaspar Ramos, Finansas Sr. Nazario da Silva, no staf husi ASSOFAC.

ASSOFAC