Second chance

الحمل من أجمل الفترات في حياة أي أم 🤍

لكن خلينا نكون واقعيين... في الفترة دي بشرتك ممكن تتغير بشكل كبير.

حبوب، تصبغات، جفاف، حساسية أو حتى بهتان مفاجئ.

وعشان كدا كتير من الحوامل بخافو يجربو أي منتج جديد، خوفاً من أي مكونات ما تكون مناسبة ليهم أو للبيبي.

ما تستعجلي وتجربي أي حاجة لمجرد إنو الناس بتنصح بيها.

أحياناً أبسط الحلول بتكون الأفضل
اهتمي بشرب الموية، التغذية الجيدة، واستخدمي وصفات طبيعية وآمنة من البيت بعد التأكد إنها مناسبة ليك.

والأهم من دا كله...
افتكري إنو دي مرحلة مؤقتة، وح تعدي بإذن الله 🤍

ما تخلي أي تغير في بشرتك يأثر على نظرتك لنفسك، لأن جسمك حالياً بيعمل أعظم مهمة ♡

قولي لينا في التعليقات:
شنو أكتر مشكلة واجهت بشرتك أثناء الحمل؟

اخطاء بتخلي بشرتك تكبر 10سنين! 🤦‍♀️

ممكن تكوني بتعملي حاجات بسيطة… لكن بتكبر بشرتك أسرع من الزمن نفسه!

كتير من البنات بيفكرو إن التجاعيد أو تعب البشرة سببه التقدم في السن!

لكن الحقيقة إن في عادات يومية صغيرة بتعمل فرق كبير جدًا
❌ النوم بالمكياج
❌ قلة شرب الموية
❌ إهمال واقي الشمس
❌ لمس الوجه كتير
❌ السهر بدون راحة

تخيلي بعد سنة بس… نفس بشرتك لكن أرهق، أبهت، ومليانة مشاكل
بس عشان عادات بسيطة ما انتبهتي ليها

تحدي لمده 10ايام
جربي لمدة 10أيام بس:
م تنومي بالمكياج
اشربي موية كويس
نومي بدري
ما تلمسي وجهك

وتعالي بعد 10ايام شوفي الفرق بنفسك
ما محتاجة كريمات غالية ولا حلول معقدة♡

ولو عايزة روتين بسيط يناسب بشرتك بدون تعقيد، تابعينا..♡

3 خطوات لو التزمتي بيها… آثار الحبوب بتخف تدريجياً

كتير من البنات بفتكرو إن آثار الحبوب محتاجة منتجات غالية أو حلول معقدة، لكن الحقيقة إنو الأساس هو “روتين ثابت وبسيط” تمشي عليه كل يوم.

لو التزمتي بـ 3 خطوات بس، ح تشوفي فرق مع الوقت 👇
1- تنظيف البشرة:
غسول مناسب لي نوع بشرتك عشان يشيل الأوساخ والزيوت الزايدة بدون ما يهيّج البشرة.

2- علاج آثار الحبوب:
منتج فيه مكونات بتساعد على تفتيح الآثار وتجديد خلايا الجلد تدريجياً (الاستمرارية هنا أهم من السرعة).

3- الترطيب + واقي الشمس:
الترطيب بيساعد البشرة تتعافى، وواقي الشمس بوقف زيادة التصبغات وما بخلي الآثار تسوء

أي علاج لآثار الحبوب محتاج وقت واستمرارية، وما في حل سحري بيشيلها فوراً، لكن الروتين الصح بيفرق بشكل حقيقي مع الأيام♡

لو لسة ما جربتي الماسك دا، ممكن تكوني فايتة على نفسك واحد من أحلى أسرار العناية بالبشرة👀

الماسك دا مشهور وسط البنات لأنه بساعد في تحسين شكل البشرة وتقليل مظهر الآثار والبهتان والسواد حول الفم مع الاستمرار والعناية والترطيب.

ومكوناتو بسيطة وموجودة في أي بيت .

المكونات:
بن أو نسكافيه
لبن بودرة أو زبادي
جيلاتين ةلو ما متوفر ممكن صفار بيض

قومي جهزي المكونات وجربيها مرة أو مرتين في الأسبوع، ومع الاستمرار والعناية ح تلاحظي الفرق بنفسك.💗

الرؤوس السوداء مخلياكِ تفقدي ثقتك في بشرتك؟
أغلب البنات بفتكرن إن الحل لازم يكون منتج غالي أو روتين معقد، لكن الحقيقة إن المشكلة غالباً بتبدأ من المسام المسدودة والعناية غير المنتظمة.
لو بتعاني من الرؤوس السوداء، في وصفات طبيعية بسيطة ممكن تساعد ضمن روتين العناية:
الجيلاتين والحليب: بتتكون طبقة بتساعد على إزالة بعض الشوائب من سطح البشرة.
الليمون والسكر: تقشير لطيف بيساعد على التخلص من الجلد الميت المتراكم.
العسل والقرفة: من الخلطات المشهورة للعناية بالبشرة وتنظيفها.
لكن السر الحقيقي ما في الوصفة نفسها، السر في الاستمرار.
قبل أي وصفة، نظفي بشرتك كويس، اعملي بخار للوجه لبضع دقائق، وبعدها استخدمي الوصفة المناسبة ليك، وما تنسي الترطيب بعد الانتهاء.
كتير من البنات بيوقفن بعد أول مرة لأنهن ما شافن نتيجة فورية، لكن البشرة النضيفة والصافية هي نتيجة عناية مستمرة وعادات صحيحة يوم بعد يوم.
قولي لينا.. شنو أكتر حاجة مزعجاك في الرؤوس السوداء؟ كثرتها؟ ولا رجوعها بعد فترة؟ 👇🏻