كوافير أحلى عروسة

بارك الله لكما

Wedding at war🥹❤️ And the most beautiful bride👰🤵‍♂️ #fypシ #fyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyy #fyp #f #فلسطين🇵🇸 #ميك_اب #غزة #لبنان #فلسطين

رغم الالم نختطف لحظات من الفرح ممزوجة بالدموع
عدنا لتجهيز العرائس عرض 50%,فقط

السلام عليكم
حابة انوه لكزا شغلة واصحح بعض المعتقدات الخاطئة الدارجة حيكون شرح مفصل عن سحب اللون بالبودرة الزقاء
مقادير سحب اللون /كل عيار بودرة =عيارين اكسجين 30%
يمكن اضافة عامل حماية لتجنب تلف الشعر وهي عبارة عن (اولابلكس-بلسم-حمام كريم- الترابلكس-كريم بديل الزيت-ترميم بارد)العيار لكل مية مل اكسجين عشرة مل عامل حماية او ملعقة كبيرة)
الشرح:-
بداية لازم نعرف انو كل شعر الو طبيعة معينة يعني لو حطينا نفس خلطة التفتيح عشعر اسود غير عن الشعر البني لهيك خلينا نتفق انو انت لازم تصبغي لزبونتك الانسب لشعرها لانو مو معقول تيجي زبونة شعرها اسود وبدها فورا اشقر رمادي هادا ازا طاوعتيها معناتو كارثة
لهيك الشعر الاسود الطبيعي دايما بنضل بدرجات الاشقر المتوسط لحتي تتفادي المشاكل والصبغة مش سحر لازم تفهمي زبونتك وتقنيعيها بشطارتك انو هالشي راح يكون صعب عشعرها وانو حرفيا ممكن تفقد شعرها ....وممكن تصل للون هاد بس مو من اول جلسة يعني بالبداية بتبدا بالشقارات المتوسطة وشوية شوية بنطلع للاشقر الفاتح ثم الفاتح جدا بس انو من اول جلسة تنط للاشقر الفاتح هادا شي مو منطقي متل يلي بدو يطلع عشر درجات مرة وحدة وما في شي متل هيك احنا الدرج ازا طلعنا عليه بنطلع درجة وحدة وازا طلعنا درجتين درجتين بنصير نلهت اعذوروني عالمقدمة الطويلة بس لازم اوضح هالشي لانو بشوف كوارث صايرة بشعور الستات من بعض الصالونات يلي ما عندها خبرة مع احترامي للجميع وهلأ بنبدأ بالموضوع .
سحب اللون هو تشقير الشعر من4ل8درجات وهي من اصعب المراحل يلي بمر فيها الشعر اذ يتم طرد حبيبات اللون من الشعرة حيث تبدأ بالتحول من الاسود الي البني الي الاشقر المتوسط ....الخ
واثناء الطرد تبدأ الوان الاندرتون بالشعرة تظهر بكل مرحلة بلون مختلف حيث يظهر الاندرتون الاحمر في اول درجتين من السحب ثم يبدا الاحمر المائل للبرتقالي(النحاسي) في الظهور بعد التفتيح 4درجات (لهيك بنلاقي كتير كوافيرات لما بفتحو بالسوبر عشعر اسود بشكو انو صار نحاسي والسبب يعود انو طبيعي الشعر الاسود بعد التفتيح اربع درجات يظهر نحاسي )نكمل ...بعدها يظهر البرتقالي الصريح بعد التفتيح 5درجات ثم بعد التفتيح ل6درجات يبدأ البرتقالي بالتلاشي يعني بخف حدته وظهور الاصفر ولكن يبقي جزء من البرتقالي يعني نقدر نقول برتقالي مائل للصفار وبعدها يظهر الاصفر الصريح (الذهبي) بعد 7درجات تفتيح ثم الاصفر الذي يشبه الي حد ما قشرة الموز وهو درجة 8وبعدها درجة 9اصفر باهت وبعدها درجة عشرة اصفر باهت جدا مائل للبياض وهذا يلي بنقول تفتيح درجة عشرة صافي .
يعني تخيلي لو شعر اسود وبدها تلجي بنفس الجلسة شو بصير فيه حتي لو حطيت عامل حماية ولو شو راح يتعب الشعر .
ملاحظة
اغلب الصور يلي بجيبوها الزباين هي للغرب ومعروف انو الاجانب فتلة شعرهم اصلا فاتحة لهيك من السهل جدا يحصلو علي الالوان هادي اما عنا بالشرق في شعور اسود كحل وفي بني غامق وفي فاتح وغير يلي صابغة شعرها لحالها وحاطة حناء وبتكون مخبصة مية تخبيصة وبتيجي حاملة صورة وبدها زيها 😂😂 لهيك نحن ما لازم اول ما تيجي زبونة وتطلب لون فورا نقلها نعم ونعملها اياه ونجازف بشعرها وبعدها حتتحسبن عليكي ليل مع نهار.... انصحيها لان انا اكتشفت انو هما بفكرو الشعر متل الورقة البيضة وسهل تلوينها وصدقيني لو فهمتيها اكيد ما حتفضل انها تحرق شعرها وهاد راح يعود عليكي بالسمعة الطيبة لصالونك وصدقيني لما بتطاوعيها وبتضرر شعرها راح تعتبر انك انت السبب وما حتقول ساعتها انا طلبت هاللون بالعكس راح تقول انت ما بتعرفي تصبغي وحرقتيلها شعرها
انا تعمدت بالدرس هادا احكي ادق التفاصيل ويااارب اكون قدرت اوضح ولو جزء بسيط من المشاكل يلي بتواجه اغلب الصالونات ومو معني كلامي انو ما نصبغ فواتح اصبغي فواتح ولكن بالتدريج اول مرة خليكي في المتوسط وجلسة عن جلسة بلشي اطلعي بالتفتيح بهدوء وهيك بتاخدي الوان حلوة وبدون مشاكل ولازم تنصحيها بانها تستعمل حمام الكريم ضروري بعد اول جلسة.......... الصبغات يلي منتشرة بالسوشال ميديا هادي ما صارت بيوم وليلة هادي طلعت بعد عدة جلسات هادول كل شهر تقريبا بروحو يصبغو هادا غير انهم بهتمو بشعورهم وبعملو جلسات ترطيب وترميم مو متل عنا البلسم ما بجيبوه الا من رحم ربي و مش متل عنا بتيجي كل سنتين مرة وبتطلب المستحيل يا ريت نحاول نفهم ونعمم الثقافة هادي بين الصالونات بالتوفيق للجميع
كل يوم معلومة ♥️♥️