Waikompongspeu

មានរឿងដ៏រំជួលចិត្តមួយកើតឡើងនៅក្នុងព្រៃអភិរក្សមួយកន្លែងនៃប្រទេសកុងហ្គោ។ កូនដំរីមួយក្បាលទំនងជារងរបួសធ្ងន់ដោយការវាយប្រហារពីសត្វខ្លា បានដើរមកដួលនៅមុខកាមេរ៉ាស្វ័យប្រវត្តិរបស់ក្រុមអភិរក្សសត្វព្រៃដែលបំពាក់នៅទីនោះ ក្នុងកាមេរ៉ាបានបង្ហាញសត្វស្វា Gorilla មួយក្បាលបានមកជួយសង្រ្គោះកូនដំរីដោយ ឡើងអង្រួនលើខ្លួនកូនដំរី ហើយព្យាយាមយកត្រួយឈើមកបញ្ចុកមាត់កូនដំរី ប៉ុន្តែកូនដំរីនោះមិនមានចលនាអ្វីឡើយ។ ក្រោយដឹងថាកូនដំរីស្លាប់សត្វស្វានោះបានទៅកាច់មែកឈើមកគ្របកូនដំរីហើយបានដើរទៅឈរមិនឆ្ងាយពីទីនោះ រហូតទាល់តែក្រុមអភិរក្សសត្វព្រៃមកដល់ទើបដើរចេញ ដោយវាយល់ថាក្រុមអភិរក្សសត្ចព្រៃមិនទុកកូនដំរីដែលស្លាប់នោះចោលឡើយ។

ប្រវត្តិនៃសត្វស្វាGorilla និងកូនដំរីនេះត្រូវបានគេយកទៅចុះផ្សាយលើគេហទំព័រនានាពេញពិភពលោក តាំងពីឆ្នាំ២០២៤មក វាបានក្លាយជានិមិត្តរូប " មេត្តាធម៌ " សូម្បីសត្វដែលមានពូជអំបូរខុសគ្នានៅមានចិត្តជួយយកអាសារគ្នា ដោយក្តីមេត្តា ចុះមនុស្សដែលអាចនិយាយស្តាប់គ្នាបាន ហេតុអ្វីខ្វះធម៌មេត្តា ?

ព្រះពុទ្ធលោកសម្តែងថា ការបានកើតជាមនុស្សគឺជារឿងក្រ ហេតុនេះគប្បីធ្វើអំពើល្អឲ្យបានច្រើន។
ប្រភព៖ អោម តារា

“ឯកជនភាព គឺជាអំណាច”
“អ្វីដែលគេមិនដឹង
គេក៏មិនអាចបំផ្លាញបានដែរ”
រូបភាពនេះប្រៀបធៀបមានន័យយ៉ាងជ្រាលជ្រៅ។
ស្ករគ្រាប់ដែលមានសំបករុំជិត គ្មានស្រមោចមករំខានទេ។
ប៉ុន្តែស្ករគ្រាប់ដែលបើកចំហ ត្រូវបានស្រមោចជាច្រើនមករោមជុំវិញភ្លាមៗ។
ជីវិតក៏ដូចគ្នា។
មិនមែនគ្រប់រឿងត្រូវបង្ហាញឱ្យគេដឹងទាំងអស់នោះទេ។
ពេលខ្លះ ការរក្សាភាពស្ងប់ស្ងាត់ និងភាពឯកជន
គឺជាវិធីការពារខ្លួនដ៏ល្អបំផុត។
មនុស្សមួយចំនួន មិនតែងតែរីករាយជាមួយភាពជោគជ័យរបស់យើងទេ។
ពេលពួកគេដឹងច្រើនពេក
វាអាចនាំមកនូវការច្រណែន ការរិះគន់
ឬបញ្ហាដែលមិនចាំបាច់។
រៀនរស់ដោយស្ងប់ស្ងាត់
ធ្វើការខ្លាំងដោយមិនចាំបាច់ប្រកាសគ្រប់យ៉ាង
ហើយទុកឱ្យលទ្ធផលជាអ្នកនិយាយជំនួស។
ពេលខ្លះ
“ការមិនបង្ហាញទាំងអស់”
មិនមែនមានន័យថាជាការលាក់លៀមទេ
តែវាជា “ភាពឆ្លាតវៃក្នុងការការពារសន្តិភាពរបស់អ្នក
__
📝 អត្ថបទដោយ៖ អឿន សុខន (Ken)